日本殿堂偶像組合SMAP早排鬧出解散風波,除咗木村拓哉之外,四個成員都話要離開尊尼事務所,令SMAP陷入解散危機。後來SMAP喺王牌節目《SMAP X SMAP》中向外間道歉兼稱唔會解散,但一直有指其實佢哋到9月滿約尊尼事務所,到時亦會解散。
雖然距離9月仍有一段時間,但今日日本報章《東京SPORTS》以頭版報道,富士電視台已經將《SMAP X SMAP》總監製切換,據指富士台內部消息指,呢一個動作,係為咗該節目喺9月終止而換另一啲節目而作出準備,即係話節目到9月就玩完,因而再次盛傳SMAP將於9月就會解散。不過,就算唔解散,《SMAP X SMAP》收視都唔見得好得去邊,自從解散風波後,香取慎吾、草彅剛等成員喺節目上好明顯同木村有心病,令到收視連續兩星期都唔到10%。...